ගොඩ කාලෙකින් බ්ලොග් එකක් ලියන්න තියා බ්ලොග් එකක් බලන්නවත් කාලය නැති වුනා.ඒ තරමටම කාර්යබහුල වුනා.වෙන මොකක්වත් නිසා නෙමේ මං වැඩ කරන ආයතනයට ඇමරිකාවේ SEI(Software Engineering Institute) එකෙන් ලබාදෙන CMMI(Capability Maturity Model Integration) Certification එකේ Final Appraisal එකේ Appraisal Team Member කෙනෙක් විදියට ඉන්න වුනා.මේ appraisal එක අගෝස්තු 31 ඉඳලා සැප්තැම්බර් 11 වෙනකන් තිබුනා.මේ සඳහා වන appraisal team එකට අපේ ආයතනයෙන් මා ඇතුලු තවත් තිදෙනෙකුත් SEI එකේ විශේෂ නියොජිතයෙක්(Lead Appraisar කෙනෙක්) සහභාගී වුනා.
CMMI (http://www.sei.cmu.edu/cmmi/)ගැන කෙටියෙන් කියනවානම් ඒක ඇවිල්ල Software Process Model එකක්.CMMI යටතේ එකිනෙකට වෙන්වු Process Areas(Verifcation,Validation, Configuration Management, Organizational Process Focus,....etc) 15 ට වැඩි ප්රමානයක් වර්ගීකරනය කරලා ඒ සඳහා වෙන වෙනම specific goals හා generic goals හඳුන්වා දී තිබෙනවා.CMMI ගැන ගොඩාක් තොරතුරු ඒ සම්බන්ධයෙන් උනන්දුවක් ඇති කෙනෙකුට ගූගල් කරලා පහසුවෙන්ම හොයාගන්න පුලුවන්.වෙනත් නිෂපාදන කරන ආයතනයකට ISO සහතිකයක් ඇති වටිනාකම වගේ තමයි software company එකකට CMMI සහතිකයේ වටිනාකම.කොටින්ම මේක යම්කිසි ආයතනයක software process එක සම්බන්ධයෙන් ලබාදෙන තත්ව සහතිකයක් කීවොත් වැරදි නෑ.
CMMI appraisal එකකදී කරන්නේ ආයතනය අනුගමනය කරන software process එක CMMI තුල හඳුන්වා දී ඇති specific goals සහ generic goals සපුරා තිබෙනවාද කියලා බලන එකයි.මේ goals තුල වෙනම හඳුන්වා දී තිබෙනවා specific practices සහ generic practices කියලා වෙනම පුහුනු කොටස්.යම්කිසි goal එකක් සපුරාලන්න ඒ සඳහා වු specific and generic practices අනුගමනය කර තිබෙනවාද කියලා බලන්න ඕන.ඒ practices අනුගමනය කල බවට සාක්ෂි ලෙස document repository එකක් තියෙන්න ඕනා.appraisal එකේ මුල් සතිය තුල සම්පූර්ණයෙන් කරන්නේ මේ practice එකින් එකට අදාල සාක්ෂි document කරලද කියලා හොයන එකයි.ඊළඟ සතිය තුල කරන්නේ ඒවාගේ නිරවද්යතාවය සඳහා අවශ්ය පුද්ගලයින් සම්මුඛ පරීක්ෂණවලට භාජනය කිරීමයි.අවසානයේ සොයාගත් සියළු සාක්ෂි සලකා බලා ඒ සඳහා වූ වෙනම standard methodology එකකට ratings කිරීමක් කරනවා.ඊට පස්සේ තමයි අදාල ආයතනයට CMMI maturity level එක දීම තීරණය කරන්නේ.
මේ appraisal team එකට සහභාගී කරවන්න කලින් ඒ සඳහා මුල සිට අගටම දවස් 5ක පුහුණුවක් ලබා දෙනවා SEI එකේම නියෝජිතයෙක් විසින්.ඒ පුහුණුව හා appraisal එක කිරීම තුලින් ලැබුනු අත්දැකීම් වචනයෙන් විස්තර කරන්න බැරි තරම්.විශ්ව විද්යාල අධ්යාපන කාලය තුල software engineering සහ engineering process ගැන ඉගෙන ගන්න ලැබුනත් ඒ සඳහා ගැඹුරින් අධ්යනය කරන්න මේ ලැබුනු අවස්ථාව සෑහෙන්න වැදගත් වුනා.ඒ වගේම appraisal එක අවසානයේ මට SEI Appraisal Pool සාමාජිකත්වයත් ලැබුනා.ඒකත් ගොඩක් වැදගත් මොකද මට දැන් ලෝකේ ඕනම තැනක CMMI appraisal එක්කට සහභාගි වෙන්න නීත්යානුකූල අවසරය තියෙනවා SEI එකේ.
මේ සති දෙක තුල ඔක්කොම අත්දැකීම් අස්සේ මට ජීවිත්යේ සොඳුරුතම අත්දැකීමටත් මුහුණ දෙන්න වාසනාව ලැබුනා.ඒ තමයි මගේ පුංචි කැදැල්ලට ලස්සන රෝස පාට දූ සිඟිත්තක් එක්වෙමින් වාසනාවන්ත පිය පදවිය ලැබීම.දිනය හරියටම සැප්තැම්බර් 3 වෙනිදා හවස 5ට විතර.එදා ලැබුනු සතුට බ්ලොග් වලට හරවන්නනම් මට වචන නෑ.දූ පොඩිත්ත මං වගේමයි.තාම බැරි වුනා නමක් දාගන්න. ඒ කියන්නේ annonymous.අහුබුදු මහත්තයට කියලා දිව පැටලෙන නමක් දාගන්නවට වඩා මංම නමක් දාගන්න එක හොඳයි කියලයි හිතෙන්නෙ.මගේ අම්මා අකුරු ටිකකුත් හොයල ගෙනාවා(ගේ,ක,ත,න ).මේක කියවන අයටත් පුලුවන් හොඳ ලස්සන නම් ටිකක් යෝජනා කරන්න.ඉතින් ඔය විදියට තමයි පහුගිය දවස් ටික ගෙවුනේ.ඒකයි බ්ලොග් ලියන්න බැරි වුනේ.ඉස්සරහටත් වෙලාව හම්බෙන විදියට ආයෙත් ලියන්න ඕනා.ඒත් දැන් ඉතින් කාලය ගොඩක් ගෙවෙන්නෙ මගේ දූ පොඩිත්තත් එක්ක තමයි.
